19 nëntor 2022
Si pjesë e aktiviteteve të projektit Sport #WithoutWaste, partnerët angazhohen për të përcaktuar kuptimin e Sport #WithoutWaste në çdo vend, komponentët kryesorë të konceptit, si dhe mirëkuptimin midis grupit të synuar.
Në takimin fillestar në Sofje në korrik 2022, u diskutua dhe përcaktua korniza për mbledhjen e të dhënave, grupet e synuara, si dhe afatin kohor. Në javët në vijim, Nabolagshager (Norvegji) si drejtues i procesit strukturoi hapat kyç, pasi partnerët nga Shqipëria, Bullgaria, Hungaria, Rumania, Serbia dhe Turqia u ngarkuan të afronin pjesëmarrësit dhe organizatorët e ngjarjeve sportive të ndihmojnë në përcaktimin se çfarë do të thotë Sport #WithoutWaste për aktorë të ndryshëm, çfarë saktësisht e bën një ngjarje sportive "të gjelbër" dhe përcaktimi se cilat sfida dhe mundësi përballen vendet partnere kur vihen në zbatim eventet e Sport #WithoutWaste.
Studimi sasior synoi dy aktorë të rëndësishëm të projektit: ata që marrin pjesë në eventet Sport #WithoutWaste dhe ata që i organizojnë ato, pasi ky target grup ka informacion thelbësor që mund të mbështesë zbatimin e projektit. U mblodhën 370 përgjigje të vlefshme nga 6 vende partnere për tendencat dhe sfidat kryesore.
Do të duhen disa javë të tjera për të finalizuar hulumtimin dhe për të ndarë rezultatet, por është e qartë se projekti do të plotësojë boshllëqe të konsiderueshme në të kuptuarit se çfarë e bën një event sportiv "të gjelbër" dhe cilat janë perceptimet midis grupeve të synuara. Aktivitetet do të vazhdojnë me partnerët që pilotojnë ngjarjet Sport #WithoutWaste në 6 vende gjatë vitit 2023.
Sport #WithoutWaste është një lëvizje e iniciuar nga BG Be Active dhe e mbështetur nga përpjekjet e organizatave partnere nga 7 vende të tjera evropiane: Shoqata Ndërkombëtare e Sportit dhe Kulturës (Danimarkë), Nabolagshager (Norvegji), AJSPT Suceava (Rumani), Federata Hungareze e Sportit të Shkollave (Hungari), Federata Shqiptare e Sportit Shkollor / FSHSSH (Shqipëri), Shoqata Sport për të Gjithë Serbinë / ASFAS (Serbi) dhe Envercevko (Turqi).
Nëse jeni të interesuar të dini se si të na ndihmoni me zbatimin e projektit, si të merrni pjesë në aktivitetet tona ose keni ndonjë pyetje në lidhje me temën, ju lutemi, mos hezitoni të na kontaktoni.
Sport #WithoutWaste financohet nga Bashkimi Europian. Pikëpamjet dhe opinionet e shprehura janë vetëm ato të autorit(ve) dhe nuk pasqyrojnë domosdoshmërisht ato të Bashkimit Europian ose EACEA. As Bashkimi Europian dhe as autoriteti dhënies nuk mund të mbajnë përgjegjësi për to.